Մարդկությունը մեծ կորուստ է կրել. Քարդաշյանը կիսվել է Դադիվանքի նկարով ու պատմել տեղահանված արցախցիների մասին

Աշխարհահռչակ հեռուստաաստղ Քիմ Քարդաշյանն ինստագրամի իր էջի «սթորի» բաժնում նկար է հրապարակել Դադիվանքից՝ բարձրաձայնելով սեփական տանից տեղահանված արցախցիների մասին:

«Ոչ միայն Արցախի հայերը, այլև ողջ մարդկությունն է մեծ կորուստ կրել: Սա հրաժեշտ է այս պահին: Եթե դուք տխուր եք, ապա պատկերացրեք, թե նրանք ինչ են զգում: Իրենց նախնիների տնից տեղահանված 120 հազար մարդ, որովհետև Թուրքիան հասավ իր ուզածին»,-«Արմենպրես»-ի փոխանցմամբ՝ գրել է Քիմ Քարդաշյանը:

Նա նաև նշել է, որ Դադիվանքի հոգևոր հովիվը հրաժարվել է լքել իր եկեղեցին: «Ես այստեղ զենքը ձեռքիս կկանգնեմ, մինչև նրանք չսպանեն ինձ: Աստված պահպանի իմ ազգը»,- համաձայն Քիմ Քարդաշյանի գրառման՝ ասել է հոգևորականը:

Leave a Reply

Your email address will not be published. Required fields are marked *